A paz é...

E para vós, que é a paz?

Día da paz

 Como cada ano, no mes de xaneiro, conmemoramos o Día da paz. Para iso, elaboramos un mural xunto cos nosos compañeiros de Infantil e recitamos unha poesía no acto común que fixemos con todo o alumnado.

Para rematar este encontro cantamos xuntos "Por el deporte a la paz"

Cumple XANEIRO 2016

Estreamos a candea no número 5 festexando o cumple de Hugo!! Pasámolo xenial, mirade, mirade...

Preparando disfraces

Chega o tempo de entroido, así que estamos preparando os nosos disfraces.
 Aquí nos tedes recortando un montóoooooon de hexágonos, vaia concentración!

MIGUEL

Hoxe, despedimos ao noso amigo Miguel porque se vai para outro cole.
Ímolo botar en falta moooooito, pero de seguro que na súa nova escola atopa tamén moi bos amigos e amigas.

Gaudí

Esta semana seguimos viaxando por Barcelona. Non nos poidemos resistir e bailamos unha sardana e visitamos o parque Güell, gustounos tanto que quixemos imitar a Gaudí!!

Sopa da paz

Na sesión de estimulación da linguaxe, Thais cociñou con nós unha sopa da paz!!
Primeiro preparamos os ingredientes: amizade, facer as paces, xogar en equipo, amor, compartir,...A continuación, engadímolos, pouco a pouco, na pota.
Cando xa estaban todos dentro, colocamos a sopa no recanto da cociña e...nuns minutiños estaba lista!
Miramos dentro da pota e nela había pombas da paz!!! Isto semella maxia!!

Pan con tomate

Como non podía ser doutro xeito, tiñamos que elaborar algunha receita típica de Barcelona. Meu dito, meu feito!!  Despois de escribir os ingredientes necesarios, cociñamos un riquísimo pan con tomate...mmmmm!!!

Pan con tomate by Slidely Slideshow

Joan Miró

Continuamos co Proxecto anual dos xogos olímpicos, en concreto con Barcelona´92.
Xa situamos esta cidade no mapa, así que agora imos aprender un pouco máis sobre as súas tradicións e costumes.
Esta semana, coñecimos a un pintor que naceu en Barcelona. Mirando, mirando os seus cadros descubrimos que pintaba, principalmente, coas cores dos aros olímpicos!
Convertidos en artistas pintamos os nosos propios cadros empregando as mesmas cores que Miró.

Xogamos a pensar

Voltamos das vacacións de Nadal con moita enerxía e ganas de seguir aprendendo!!
Como cada martes pola tarde, xogamos a pensar, esta vez quen nos fixo pensar foi a araña Tania. Como lle regalou a súa tea á "mariquita Juanita", nós estivemos dialogando: todos os animais poden vivir no mesmo lugar? que se sentiría Juanita na casa da araña? como teñen que ser as súas casas? e as das persoas? ,...
Ningunha resposta a estas preguntas está ben ou mal, o máis importante é que xa comezamos a ser capaces de argumentar e explicar aos nosos compañeiros o que pensamos, aínda que eles pensen diferente.