Unha paisaxe para dragóns

Graciñas a todas as familias por colaborar creando estes impresionantes dragóns con material de refugallo!! Noraboa polo voso traballo!!!

Itinerario poético

Para difundir a obra de Manuel María moitas das aulas do cole elaboraron un cartel con poemas deste escritor. O alumnado de Educación Infantil colocamos os nosos carteis na Biblioteca Municipal "Rosalía de Castro". Se queres saber onde os pegaron o resto de compañeiros e compañeiras do cole teredes que ir da un paseiño por Arzúa e descubrilo, ide ben atentos!

Mapa

O venres recibimos unha carta de Draco, nela solicitábanos axuda para atopar unhas pistas para marcarlle o camiño á princesa nun mapa, xa que un dragón tiña atrapado ao seu irmán.
Coma sempre, axudámola sen pensalo, primeiro tivemos que ler os pictogramas, despois buscar as pistas e, por úlitmo marcarlle o camiño nun mapa.

IV Peque-xogos

Un ano máis, participamos nos Peque-Xogos de Primavera, xunto con todo o alumnado de Educación Infantil, pasámolo xenial xogando aos bolos, á carreira de relevos, aos sacos, aros musicais e tira a corda.

Dragón Chino

Un dragón da China visitou estes días o cole, engaiolounos a todos coa súa danza

Risa ao Sol

Que contenta está Risa cando sae o Sol!!

Cal é a túa froita preferida?

Unha piña en bicicleta preguntounos cal é a nosa froita favorita. Así que collimos lápis e papel e escribimos a que máis nos gusta, agora so temos que agardar...cal será a máis votada en todo o cole?

17 de maio

Velaquí o cartel que elaboramos cunha poesía de Manuel María

Onde viven os dragóns?

Aos dragóns gústalles vivir en pantanos, covas ou montañas. Como imos realizar unha exposición de dragóns con material de refugallo coa axuda das familias, nós preparamos unha paisaxe na que se sintan a gusto. Primeiro decidimos como facela e despois...mans á obra!

Vermes de seda

Xa chegou a primavera, así que temos novos ovos de verme. Decoramos a súa casiña para que se sintan ben cómodos e mirámolos a través do microscopio para ver como son antes de nacer...moi peludos!!!
Agora so nos queda agardar uns cantos días para seguir a súa evolución

Decoración

Así de bonito quedou o corredor de infantil gracias ao traballo das familias!!!

Ideas para crear dragóns

Aquí tedes algunhas ideas para poder crear, en familia, dragóns con material de refugallo.

Réptiles

O dragón de Komodo é un réptil. Sabémolo porque despois de investigar un pouco, descubrimos que os réptiles deben reunir unha serie de características:

-Respirar por pulmóns

-Reproducirse por ovos

-Camiñar ca súa barriga moi preto do chan, é dicir, reptar

-Ser vertebrados

-A maioría teñen a pel recurberta de escamas, e algúns, incluso teñen caparazón, coma Risa!!!

-Moitos aliméntanse de carne, aínda que tamén hai algúns réptiles aos que lles encanta comer plantas.

Para seguir profundizando sobre o tema decidimos describir os animais de xoguete que temos na aula para clasificalos en función da súa alimentación, do lugar onde viven, a maneira de nacer,...canto nos gustan os animais!!

Ovos de dragón

Durante esta semana descubirmos que os dragóns se reproducen por ovos, igual que algúns dos animais que nós coñecemos. E... como neso de facer boliñas somos expertos, elaboramos ovos de dragón de cor verde con pasta para modelar.
Para que os empregamos? Para sorprender ás nosas mamás, quen sabe se dalgún chaveiro nace un dragón...

Comparticontos 2016

Os contos que máis nos gustan contados polos nosos compañeiros e compañeiras maiores...éxito asegurado!! Todo o cole envolto pola maxia dos contos...preme aquí para saber máis

Cumples abril 2016

Así de contentos lucían Jana, Vera e Rubén o día que festexamos o seu cumple no cole. 

Coma sempre, pasámolo xenial!!!