Siluetas

Neste curso tamén estamos a participar nun Proxecto chamado XOGADE, a través do cal se pretenden crear hábitos de vida saudable a través, sobre todo, do deporte.
Na aula de 3 anos comezamos coñecendo as partes do noso corpo...temos que ser conscientes do que temos para  MOVERNOS!!
Por isto, realizamos estas siluetas dalgún de nós e decorámolas con moooooitos círculos!!!

Bolas Nadal

Xa estamos cos preparativos para o Nadal, de momento elaboramos estas bolas para adornar o pasillo de infantil.
Primeiro colocamos DENTRO do CÍRCULO pegatinas de cores, despois PUNZAMOS para poder pegalas...et voilà!!

Paisaxe outonal

Landras e castañas convertidas en cogomelos!! Atopades algún outro elemento característico do outono nesta paisaxe?

Cumples Novembro

Parabéns para Brais, Aroa, Alberte e Efrén!! Fáltanos na foto José María porque está enfermo, pero temos a súa coroa de cumple ben gardada para cando se atope mellor.
Costounos un pouco apagar a candea no número 3, pero soprando ben forte entre todos e todas conseguímolo!!!

Cor azul

Despois de ter traballado a cor VERMELLA, agora tócalle o turno ao AZUL.
Primeiro, buscamos obxectos de cor azul na aula e despois pintamos con esta cor, encántanos pintar cos dedos!!

Preme aquí para xogar coas cores no teu ordenador

Esquema corporal

Aquí tedes os primeiros debuxos do esquema corporal dos nenos e das nenas da aula de 3 anos. 

Xa se empezan a recoñecer as primeiras figuras...todo un logro para a súa idade!!

Os tres tenedores

Con motivo do Día do neno o Concello de Arzúa convidounos ao concerto de "Os Tres Tenedores" na Casa da Cultura. Este grupo de animación musical ensinounos, ao alumnado de Educación Infantil, distintos tipos de instrumentos e varias versións da popular canción "A saia da Carolina"
Algún de nós participou nunha orquestra e, outros, cantamos e bailamos!!!

Os recantos

Cada día temos un ratiño de traballo nos distintos recantos da aula. Distribuímonos en grupos de catro nenas e nenos, e imos rotando o recanto ao longo da semana. Isto témolo rexistrado nun panel coas nosas fotografías e as imaxes dos recantos, queredes coñecer cales son?

Que atopamos nos diferentes recantos?

-Biblioteca: contos, revistas, xornais, letras, grafismos, marionetas,...

-Xogo simbólico: médico, perruquería, ferramentas,...

-Construcións: xogos de construcións (aquí tamén están gardados os animais e os medios de transporte)

-Casiña: cociña, bonecos

-Lóxico-matemática: quebracabezas, números, xogos de asociación, clasificación, memoria, percepción-observación, secuencias, operacións, tangram,dominó, regletas, ensartables, pinchos, bloques lóxicos, ,...

-Natureza: plantas, sementes, animais, pedras,...

-Arte: plastilina, material para debuxo, tesoiras, pegamentos, punzóns, material de refugallo,...

-Ordenador: pc, cámaras,...

-Música: radio, cd, instrumentos,..

-Curiosidades: recanto adicado ao Proxecto de traballo

Aquí nos tedes nalgún dos recantos, mirade que concentrados estamos!!

Saída acuario

O alumnado de Educación Infantil fomos de viaxe ata A Coruña para coñecer unha paisaxe moi distinta á que vemos ao mirar polas fiestras do noso cole: O MAR!

Unha vez alí, desfrutamos dunha fantástica xornada coñecendo un poquiño máis sobre os animaliños que viven no fondo do mar...

Obradoiro relaxación e xogo

Tivemos a sorte de poder desfrutar de dous obradoiros impartidos por Manuel Mariño, nun deles aprendemos a relaxarnos e no outro pasámolo en grande xogando.
Temos que darlle as grazas a Manuel por facernos pasar tan bos ratiños, e por darlle algunha idea a profe jejeje!!
Obradoiro relaxación

Obradoiro xogo