Preparativos do entroido!

 O día 13 de febreiro temos previsto celebrar o tradicional Festival de ENTROIDO no cole. Este curso, os disfraces baséanse na mitoloxía. O alumnado de Educación Infantil disfrazarémonos de FADAS e TRASNOS e bailaremos unha canción con moito ritmo.
Nós, xa comezamos cos preparativos para os nosos traxes. Mirade que concentración!!!

Na Biblioteca Escolar

Neste trimestre comezamos a facer uso do servizo de préstamo da Biblioteca Escolar. Así que, todos os venres iremos á biblio do cole para coller un conto e poder levalo á casa.

Aquí nos tedes decidindo cal elexir...hai tantos!!!

Froita inverno!

Mirade que ricas mazás preparamos pintando co pincel e facendo BOLIÑAS DE PAPEL. Esta actividade, ademais de favorecer á nosa concentración, axúdanos a gañar forza e controlar a presión nos nosos dedos.

Deportes de inverno

Durante esta semana, estivemos coñecendo algún DEPORTE DE INVERNO. En vista de que non nevou en Arúa decidimos crear a nosa propia pista de esquí. 

Primeiro, coloreamos uns esquiadores para despois colocalos sobre a neve. O certo é que nos costou dedicir como facer as montañas, tiñamos un montón de ideas...pero, tras DIALOGAR un anaco atopamos unha SOLUCIÓN...empregar papeis e pezas das construcións que temos na aula. Entre todos conseguimos que estes esquiadores o pasen estupendamente nesta branca paisaxe!!

Aquí tedes un vídeo que vimos na aula para aprender un pouco máis sobre o ESQUÍ

Bailamos polo Nadal!

Sei que vai cun pouco de retraso, pero por fin temos aquí a actuación enteira do festival de Nadal. Estes "trasniños" fixérono xenial...é unha pena que non se lles vexa ben a todos e todas no vídeo!!
Espero que desfrutes véndoo tanto como o desfrutamos nós preparando o baile

O día do Festival, cando chegamos ao comedor, tiñamos preparado un riquísimo menú, pero antes de degustalo quedamos impresionados cun baile moi moderno!! As nais e pai colaboradores, que nos coidan tan ben todo os días, prepararon unha enorme sorpresa, mirade, mirade!!!!

Carballo

A nosa landra xa se convertiu nun carballo!!! Nacéronlle as primeiras follas, que alegría!

Un agasallo...

...sorprendente!! Cando chegamos o xoves pola mañá ao cole tiñamos un paquete dos Reis Magos, isto debe ser porque nos portamos moi ben!!